مسرحيتي في مهرجان الاعياد بسيهات (جات تكحلها عمتها )

السلام عليكم ..كل عام وانتم بخير ..
اولا : اود ان اشكر فريق صحتي هي حياتي واقول اليهم : لست انا المبدعة ..فقط كنت مشرفة على كل الابداع والذي كان متمثل فيكن عزيزاتي..
ثانيا : اشكر الممثلة القديرة شعاع توفيق على تأديتها دور ام حسين .. واشكر كل من حضر المسرحية ..
ثالثا : كونها محاولتي المسرحية الاولى ..اتوقع الكثير من النقد فلا تحرموني منه .. ^_^

جات تكحلها عمتها ..

قصة وسيناريو وحوار :

 المنسقة العامة للركن الصحي : جمانة عبد الله المشيخص

على الساعة 9 ونص الصبح

وام حسين في البيت تنظف البيت وترتب ..وادندن ..

الا ريم وزينب داخلين مع انه مو حزتهم ..(ريم تحمل أغراض زينب وزينب متوجعه )

ام حسين : خير ويش جايبنكم هالحزة ؟!؟ ما مداه الدوام يخلص ؟

ريم : لا خالتي ماخلص الدوام .. بس زينب طاحت بالمدرسة في الفسحة .. واياديها تعورت ..وتنفخت صارت كأنه قربه ..

ام حسين : يووو .. اسم الله عليش غناتيه ..عين ماصلت على النبي ..يووو اسم الله عليش يا بنيتي (وتقرب تشوف ايدها وزينب متوجعه ) ... كيف طحتين ؟

زينب: كنت في الفسحة وتزاحموا البنات وطيحوني ..

ام حسين : اسم الله عليش ..الله يقطع ابليسهم ..بنات مايستحوووا .. كأنهم صبيان ..الحين امرخها لش وتصير خوش شي ..

ريم : خالتي مو احسن لو وديناها المستشفى .. ترى يمكن انكسرت يدها ..

ام حسين : ريمووه ..ويش فهمهم الدكاترة ..وترى بسيطة ..بس امرخها وتصير زينة .. والا احنا لما كنا جهال لما نطيح ..يمرخونا وخلاص ..بعد الا دااااك ..

(قامت ام حسين وجابت زيت وبدت تمرخ وزينب تتوجع بقوووة  ولفتها اليها )

ريم : تصبري غناتيه ..الحين ان شاء الله تخف ..

زينب : ريم يعور مرة ..

(لما خلصت ام حسين ..قالت لزينب ) زنوب ارتاحي مايحتاج تناقزي في كل مكان الحين كأنش قردة !!

زينب : زين يمااااه ..

ريم : بجي اطمن عليش المغرب بعد مااخلص الواجبات زين ؟!

زينب : زين ..

(قامت زينب تنام )

المغرب :

ام حسين جالسة على سجادة صلاتها ..دخلت ريم ..

ريم : هلا خالتي ..

ام حسين : هلا ريووم .. هلا بالاصيلة ..

ريم : تسلمي خاله ..وينها زنووب ؟

ام حسين : نايمة ماجلست الى الان .. دخلي لها ..  البيت بيتش ..

ريم دخلت الى زينب

ريم : زنوووب بسش نوووم قومي ..مابذاكري ؟!

بس زينب ماتصحى الا زينب تون ..ريم تحط يدها على راس زينب .. الا متسخنة ..!!

ريم : خاله خاله الحقيني .. زينب شكلها مسخنه .. ابي ميزان ..

(ام حسين تجيب اول شي ميزان وزن)

ريم تصرخ : لا خالتي ابي ميزان حرارة ويشو دا ؟

(ترمي ام حسين الميزان من العجلة على زينب وتتوجع زينب )

(ام حسين تجيب ميزان الحرارة وتقيس ريم الا تطلع حرارة زينب 40 وماتنفتح لفت يدها الا يدها منتفخة)

ريم : يوووو بسم الله الرحمن الرحيم ..حرارتها 40 ..خاله لازم نكلم الدكتور ضروري ..ترى مو زين كذا لاتروح منا ..

ام حسين : اسم الله عليها ..لازم الدكتورة يعني ؟

ريم : خالة اقولك حرارتها 40 ..لو ظلت اكثر بيصير فيها شي ومابتنفع الكمادات ويدها متورمة هدي كبرها ..

ام حسين تكلم الدكتورة

تدخل الدكتورة حوراء ..

ام حسين : السلام عليكم ..الحقي عليي يابنتي .. زنوب ماادري ويش فيها تعبانه ..

الدكتورة : وعليكم السلام .. اسم الله عليها .. هدي ياخالتي وفهميني ويش صار ..

ريم : دكتورة حوراء .. اليوم الصباح بالمدرسة طاحت زينب واحنا في الساحة وتورمت يدها ..ولما رجعنا البيت مرختها خالتي ام حسين ..ونامت ولما جيت المغرب اشوفها لقيت حرارتها مرة مرة مرتفعه ..فجبناها ..

الدكتورة : خير ان شاء الله .. بس خلوني افحص يدها ..

(فحصت الدكتورة اليد ..وحاولت تتواصل مع زينب ..بس زينب مو مرة واعية )

الدكتورة : لازم بسوي اشعة الى يدها .. بس اعتقد ان يدها منكسره ..والمراخ زادها ..للاسف بتظل الجبيرة عليها مدة اطول ..!!!

ريم : بس بطيب صح ؟

الدكتورة : ايوا ان شاء الله ..لاتخافي عليها ..بس مرة ثانية وان شاء الله ..الله لايقولها ..لو صار فيها شي ..تجيبونها على طول ..

ام حسين : ايه خلاص ويش بعد ..لاتتعب بنيتي ..

بعد شهرين :

ريم وزينب في بيت زينب يلعبوا ..ويقروا نكت والغاز ..

ريم : ويش الحيوان المائي الي له 3 قلوب ؟

زينب : يوووه .. 3 مرة وحدة ..

ريم : ايه وعلمونا اياه في العلوم ويش فيش زنوووب ..نسيتيه!! الجواب الاخطبوط ياحظي ..

زينب : ريم ..احس اذوني ماادري ويش فيها ..تألمني عدل ..

ريم : سلامتك ماتشوفي شر غناتي ..عسى مو لاعبه فيها بس ..

زينب : ماسويت شي ..مسكينة انا ..

الا بدخلة ام حسين من القراية ..

ام حسين : بنيات ..تعالوا خذوا من الي قسموه في القراية (المولد) بركة ..

ريم وزينب يقوموا .. وياخذوا الحلاوة ..و العلك ..

الا زينب تحط يدها على اذنها ..

زينب : أيييييي أذوني تألمني ..

ام حسين : اسم الله عليش يابنتي ..ويش فيييييييييش ؟!

زينب : ماادري يايماه ماادري ..

ام حسين تقوم وتجيب عود اذون وتنظف اذن زينب بقوووة ..

زينب :: اأأأأه يماه المتيني ..

ام حسين : تحملي عاد ..

ريم : شوي شوي عليها خالتي ..

ام حسين : يووه انتي بعد ..لاتخافون مو شي بس ننظفها ويروح الوجع .

وزينب لسه حاطه يدها على اذنها ..

ريم : طيب انا بروح الحين تاخر الوقت ..زنوووب بكرة  نكمل سوالف طيب .

زينب : طيب ..مو تتاخري ..

وزينب لسه حاطه يدها على اذنها ..

اليوم الي بعده .

الصبح :

زينب :صباح الخير يماه ..اذني ترى للحيييين تالمني ..

وام حسين تبخر البيت ..

ام حسين : يوووه ... اسم الله عليش ..تعال ابخرها لش ..

زينب وهو مستغربة : لا يماه تكفين ..مو مثل اياديه ..

ام حسين : انتين ويش فهمش ..هذي اميه ..يدتش الله يرحمها ..كانت كل تسوي لنا كذا وعلى طول يروح الوجع ..

زينب : الله يستر بس ..

(وابخرت اذنها ..وبعدها بشوي الا دخلت ريم )

ريم وهي مبسوطة : السلام عليكم خالتي ..وينها زنوب. .

الا جات زينب ..

زينب : هلا ريووومي كيفك ياقمر اليوم (بالمصري تقولها )

ريم (تضحك) : كوييييييييسه يااختي ..وانتي عاملة ايه (بالمصري) ؟!؟

زينب ترد بالمصري : مش اوي يعني ..(بالمصري ) وفجاة تقلب سهياتي : اذونيه للحين اتعورنيه عدل ..الا زاد الوجع بعد ..

ريم وعبست بوجهها : يوووو خليني اشوف ..(وتشهق ) .. يا حظي أكوه دم يطلع ..ويش سويتين فيها ؟

زينب : امي بخرتها (وهي شاقة الابتسامة )

ريم : اقول خلينا نكلم الدكتورة حوراء ياحظي بس ..بس خلينا نقول لامك اول..

ريم تنادي : خالتي خالتي ..ترى اذن زينب زادت عليها وفيه دم وشكلها سالفة جايده ..

ام حسين : يوووه .. اسم الله عليها ..

ريم : خالتي كلمي الدكتورة حوراء ..

ام حسين : ايه لازم ..

كلمت ام حسين الدكتورة

دخلت الدكتورة حوراء

حوراء : هلا ام حسين.. ويش فيكم ..خوفتوني عليكم ..

زينب : اذني تالمني دكتورة ..وتقول ريم شافت خراج ودم منها ..

الدكتورة وملامحها مرة جاده : تعالي افحصها ..

وقربت الدكتورة وفحصتها ..

وقالت الى ريم وام حسين : قولوا لي  ويش صار ؟!

ام حسين : هي امس وهي تلعب مع ريووم ..قالت اذنها تالمها ..ونظفتها لها  ..وصحت الصبح ولسه اذنها تالمها ..وبخرتها (وبدت تستحي المراة )

الدكتورة : ام حسين ليش عاد .. مو اتفقنا لو صار شي جيبيها على طول .. الحين انتي شلتي كل الشمع الي يحمي اذنها والبخور زاد الطين بله وسبب تهيج والتهاب ..ادري انش تحبي زينب واكيد انتين امها ..بس لما تحاولي تساعديها وانتي مو متاكدة ويش فيها ..كذا اتعبينها واتضرينها ..واكيد ماتبين هالشي ؟

ام حسين : خلاص مابعيدها ..كل شي ولا سلامة زينب ..ماعندي غيرها J ....................تم !!

مع تحياتي : مشرفة الركن الصحي القسم النسائي في مهرجان الاعياد بسيهات (عيد الفطر 1431 هـ)

جمانة المشيخص